Le poesie del Dott. Giovanni Marletta. Procuratore Generale Onorario Aggiunto della Corte di Cassazione e già Procuratore Generale presso la Corte di Appello di Reggio Calabria
Pasqua 2012
E’ Pasqua
e sonanu a gloria li campani
ppù Signori ca abbivirisci
p’amuri ‘i tutti i cristiani
A tutti ‘u’ cori addiventa
ppi’ l’occasioni, ‘nzuccaratu
pirchi si senti ‘nda’ l’aria
ca, ppì ‘’n mumentu,
ogni mali s’ha firmatu!
A tutti li cristiani restanu l’arma e u’ cori
‘n suprassaltu suspisi:
dura ‘sta paci e gioia
ppi’ ‘n gnornu e quarchi misi?
Lu puntu è si, finutu u’ sonu di tutti li campani,
e turnatu u’ silenziu, l’omini tornanu a trattarisi di cani!
E ognunu suspira e godi ppi’ stu’ mumentu ‘i paci
‘ndà l’attimu fuggenti ‘i chista aria di luci!
‘nda ‘stu ‘mumentu magicu di paci e cuntintizza
Lu cori ni s’allarga e caccia via la strizza.
Sulu u poviru agneddu perdi ogni speranza:
è distinatu prontu a la tavula ppì l’ommini di panza!
Giovanni Marletta
Pergusa, 1 Aprile 2012 Hotel Riviera, conviviale di Pasqua della Delegazione Ennese dell’Accademia Italiana Della Cucina